12:1 Ywa 3:44; Zab 132:7; 1We 28:2; Jer 12:7; Zab 99:5; Mat 11:23; 2Sam 1:19Mano kaka Ruoth Nyasaye osekumo Nyar Sayun
gi mirimbe motwere ka rumbi!
Duongʼ mar Israel ma yande otundo nyaka e polo,
osewito piny,
bende kuom mirimbe
ok oseparo ni en raten mar tiende.
22:2 Ywa 3:43; Mik 5:11; Isa 25:12; Zab 89:39-40; 21:9Ruoth Nyasaye oseketho
mier duto mag Jakobo ka ok odewo;
nikech mirimbe osemuko
kuonde mochiel motegno mag Nyar Juda.
Nokuodo wi jopinyno gi jotende
mi odwoko lochgi chien.
32:3 Zab 75:5; 74:11; Isa 42:25; Ayu 16:15; Jer 21:4-5Osetieko teko mar jo-Israel
gi mirimbe mager,
kendo osejwangʼogi
e lwet wasikgi.
Osewengʼo ka Jakobo kaka mach mager makakni
ma wangʼo gik moko duto molwore.
42:4 Isa 63:10; Ayu 3:23; Ywa 3:12-13; Jer 7:20; Eze 24:16; 2We 34:21; Eze 20:34Oseywayo atungʼe mar kedo
gi joge mana ka gima gin wasike.
Kaka jasigu neko,
osenego jogo duto mane nenore mabeyo e wangʼ,
kendo oseolo mirimbe oko
ka mach kuom hemb Nyar Sayun.
52:5 Jer 30:14; Ayu 13:24; Jer 9:17-20; Isa 29:2; Jer 7:20Ruoth Nyasaye chalo gi jasigu;
kendo osetieko Israel!
Osemuko ute Israel duto mag ruoth
kendo oseketho mieche mochiel motegno.
Osemedo ywagruok
kod kuyo ne Nyar Juda.
62:6 Jer 52:13; Zef 3:18; Jer 7:14; Isa 43:28; Ywa 4:16; 5:12; Zab 80:12; Isa 5:5; 1:8Oseketho kare mar dak mana ka puodho moketh chambe modongʼ nono,
kendo osemuko kare mar romo.
Jehova Nyasaye osemiyo Sayun wiye owil
kod sewni moyier gi Sabatoge;
kendo kuom mirimbe mager,
osejwangʼo ruoth kaachiel gi jadolo.
72:7 Eze 7:1-2; Isa 64:10-11; Jer 7:12-14; Lawi 26:31; Jer 33:4-5; 52:13; Zab 78:59-61; Mik 3:12; Jer 7:12-14; Mat 24:2Ruoth Nyasaye osedagi kendone mar misango
kendo jwangʼo kare maler mar lemo.
Osechiwo ohinga mag kuonde mag dak
e lwet wasigu;
gisegoyo koko e od Jehova Nyasaye
mana kaka ne itimo e odiechiengʼ mar sawo moyier.
82:8 2Ruo 21:13; Isa 34:11; 3:26; Jer 39:8; Zab 48:13; Bura 7:7Jehova Nyasaye osechano muko ohinga
molworo Nyar Sayun.
Oserieyo rapim kendo ne ok ogengʼo lwete
mondo kik okethe.
Nomiyo chiel ma oko mar dala kod ohinga oyiengni,
giduto kaachiel ne gimukore mi gigore piny.
92:9 Jer 16:13; Amo 8:11-12; Hos 3:4; 2We 15:3; Jer 14:14; Isa 45:2; 2Ruo 24:15; Rap 28:36; 2Ruo 25:7; Zab 74:9; Mik 3:6,7Dhorangeyene osegore piny molal ei lowo,
oseturo lodi mage kendo kethogi.
Ruodhe gi jodonge oke e kind ogendini,
chik onge koro,
to jonabi mage koro ok yud fweny
moa kuom Jehova Nyasaye.
102:10 Ayu 2:12-13; Isa 3:24,26; Eze 27:30-31; Isa 15:3; Ywa 3:28; 4:5; Isa 47:1-5Jodongo mag nyar Sayun,
obedo piny kolingʼ thi,
gisebuko wiyegi gi buru
kendo girwako piende gugru.
Nyi Jerusalem
osekulo wiyegi piny.
112:11 Isa 15:3; Ayu 30:27; Zab 22:14; Ayu 16:13; Ywa 3:48-51; Zab 119:82; 6:7Wangʼa ojony nikech ywak,
chunya ool,
kendo chandore malit
nikech joga osetieki,
kendo nyithindo kod nyithindo mayom kech nego
e yore mag dala maduongʼ.
12Kech negogi
e kor minegi,
ka jogo mohiny e lweny
e yore mag dala maduongʼ,
mi gipodhi,
omiyo gipenjo minegi niya, “Ere chiemo kod divai?”
132:13 Isa 37:22; Jer 14:17; 30:12-15; Dan 9:12; 2Ruo 19:2; Ayu 5:1Yaye Nyar Jerusalem, en angʼo madawach kuomi?
Koso en angʼo ma dapimigo?
Yaye Nyar Sayun mapok ongʼeyo dichwo,
en angʼo ma dapimigo,
koso en angʼo ma dahoyigo?
Adhola ma in-go tut mana ka nam.
Ere ngʼama dithiedhnigo?
142:14 Isa 58:1; Jer 8:11; 20:6; Eze 13:3; Jer 28:3; 28:15; Eze 22:28Fweny mane jonabi magi oneno
ne ok adiera, to gin mana miriambo lilo,
ne ok ginyisi richoni
mondo omi kik teri e twech.
To fweny mane ginyisi
ne gin mana weche mag miriambo kendo ma wito ji.
152:15 Kwa 24:20; Eze 25:6; Nah 3:19; Zab 45:11; Eze 16:14; Zab 48:2; Jer 19:8; 1Ruo 9:8Ji duto makadho buti
pamo ni lwetegi;
gijari kendo gikino wigi
kuom gigo mosetimorene Nyar Jerusalem,
ka gipenjore niya, “Bende ma e dala maduongʼ
ma yande ongʼere ni dala maler,
kendo mor mar piny mangima?”
162:16 Zab 22:13; 56:2; Ayu 16:19; Zab 35:25; Eze 36:3; Ywa 3:46Wasiki duto
wuoyo marach kuomi;
gijari ka gikayo lekegi
kagiwacho niya, “Wasetieke chuth.
Ma e ndalo mane wasebedo ka warito;
adier, osechopo ma wanene.”
172:17 Rap 28:15-45; Eze 8:18; Isa 44:26; Ywa 1:5; Lawi 26:16; Zab 38:16Jehova Nyasaye osetimo gima ne osechano;
osechopo mano mane owacho,
ma en gima nochiko chon.
Osetieki ma ok odewo,
kendo osemiyo wasigu goyoni siboi,
komedogi teko.
182:18 Zab 119:145; Ywa 1:16; 3:19; Jer 9:1; 14:7Chunje ji ywak
ni Ruoth Nyasaye.
Yaye ohinga mar Nyar Sayun,
we pi wangʼi omol ka aora,
odiechiengʼ gotieno;
kik iywe kata matin,
kendo pi wangʼi kik chogi.
192:19 Mar 13:35; 1Sam 1:15; Zab 62:8; Isa 51:20; Neh 3:10; Isa 26:9; Ywa 4:1Aa malo, ywagi otieno duto,
e kindego mag arita ma otieno chakore,
kendo weche duto manie chunyi ol oko ka pi
e nyim Ruoth Nyasaye.
Tingʼ bedeni malo kilame
nikech nyithindi,
ma kech nego
e wangʼ yore duto.
202:20 Rap 28:53; Eze 5:10; Ywa 4:10; Jer 23:11-12; 19:9; Zab 78:64; Jer 14:15; Wuo 32:11; Lawi 26:29Yaye Jehova Nyasaye winjie wachni:
En ngʼa misetimone gima lit machal kama?
Bende mon dicham nyithindgi
ma giserito maber kama?
Koso jodolo gi jonabi dinegi
e kama ler mar lemo mar Ruoth Nyasaye adier?
212:21 Rap 32:25; 2We 36:17; Jer 13:14; Zek 11:6Jomatindo gi jomadongo nindo
e yore motimo buru;
yawuota gi nyiga
oseneg gi ligangla.
Isenegogi ka in gi mirima
kendo isetiekogi ka ok idewo.
222:22 Zab 31:13; Jer 6:25; Ayu 27:14; Kwa 9:13; Jer 20:10Ne iluongo masira koa kuonde duto
mana ka ji mabiro e nyasi moro maduongʼ.
E odiechiengʼ mar mirimb Jehova Nyasaye
onge ngʼato mane otony kata mane odongʼ kangima.
Kuom joga mane apidho
kendo arito, wasika osetieko.
