11:1 Isa 47:7-8; Ezr 4:20; Eze 5:5; Isa 3:26; Jer 42:2; Lawi 26:43; Ywa 1:9Mano kaka dala maduongʼ mane ji ngʼenyie
odongʼ nono!
Kinde moro ne en dala malich miwuoro
to koro ochalo gi dhako ma chwore otho!
Ne en ruoth madhako e kind pinje,
to tinde osebedo misumba.
21:2 Zab 6:6; Jer 4:30; Mik 7:5; Jer 30:14; 13:17; Ywa 1:16; Ayu 7:3Oywak malit gotieno,
pi wangʼe ridore e lembe.
Kuom joherane duto,
onge moro manyalo hoye.
Osiepene duto osendhoge
kendo gisebedo jowasike.
31:3 Jer 13:19; Rap 28:64-65; Wuo 15:9; Lawi 26:14,32,33Bangʼ sand gi tij achuna,
Juda oseter e twech.
Odak e dier ogendini
kendo oonge kar yweyo.
Jogo duto malawe osemake kapod en
e chandruok malich.
41:4 Isa 27:10; Jer 9:11; Joe 1:8-13Yore madhiyo Sayun ywagore,
nimar onge ngʼato mabiro e nyasi mag sewni moyier.
Dhorangeye duto odongʼ nono maonge ji,
jodologe ywak ka chur,
jotichge ma nyiri okuyo,
to en owuon en gi lit malich.
51:5 Isa 22:5; Jer 10:20; 39:9; 30:14; Ywa 3:39; Jer 30:15; 52:28-30; Zab 5:10; Ywa 2:17Wasike ema tinde otelone,
kendo wasikego dhi maber.
Jehova Nyasaye osekelone chandruok
nikech richone mangʼeny.
Nyithinde oseter e twech, kendo gisebedo kaka joma omaki
e nyim wasigu.
61:6 Jer 13:18; Zab 9:14; Lawi 26:36Duongʼ mar loch duto mane nyar Sayun nigo
oserumo.
Jodonge chalo gi mwanda modenyo
ma ok yud lum machamo,
giringo ka gionge
gi teko e nyim joma lawogi.
71:7 2Ruo 14:26; Jer 37:7; Mik 4:11; Ywa 4:17; Jer 2:26E ndalo mane Jerusalem ni e chandruok kod chuny lit,
noparo mwandune duto mane en-go e ndalo machon.
Wasike nojare
kendo onyiero kuom thagruok mage.
81:8 Isa 59:2-13; Zab 38:8; Jer 13:22-26; 2:22Jerusalem osetimo richo madongo
omiyo koro osebedo mochido.
Ji duto mane omiye luor koro ochaye,
nimar giseneno duge;
kendo koro oywak kochur
nikech wiye kuot.
91:9 Isa 47:7; Eze 24:13; Jer 13:18; Ekl 4:1; Jer 16:7; Zab 25:18; Rap 32:29Chilo ma en-go omienore e lepe,
ne ok odewo gima biro timorene bangʼe.
Nopodho malich miwuoro,
to onge ngʼama ne nyalo hoye.
Yaye Jehova Nyasaye, neye chandruok ma an-go,
nimar wasigu oseloyo.
101:10 Neh 13:1; Rap 23:3; Jer 51:51; Isa 64:11; Zab 74:7-8Wasigu oseyako
mwandune duto;
oseneno ogendini ma jopiny
ka donjoe kare maler mar lemo,
jogo misekwero ni kik donji
e kari maler mar lemo.
111:11 Zab 38:8; Jer 38:9; 37:21; 52:6Joge duto chur kaywagore
ka gimanyo chiemo;
giloko mwandugi
mondo giyud chiemo,
mondo gibed mangima.
“Yaye Jehova Nyasaye, neye kendo iparae,
nimar ji ochaya.”
121:12 Jer 18:16; Isa 10:4; Jer 30:24; Dan 9:12; Isa 13:13; Nge 24:21; Luk 21:22Un ji duto makadho, onge lich muneno kuom gima timorenani?
Lokreuru anena mondo unee,
ka bende nitiere masira machielo
machalo gi masira moyudani,
ma Jehova Nyasaye oseketo kuoma
e odiechiengʼ mar mirimbe mager?
131:13 Ayu 30:30; Zab 102:3; Hab 3:16; Jer 44:6; Eze 12:13; Ayu 18:8; Zab 66:11; Hos 7:12Ne ooro mach koa e polo,
modonjo e chokena.
Nochiko obadho momako tiendena
kendo nodwoka chien.
Nomiya abedo modhier kadongʼ kenda
ka aol maonge teko odiechiengʼ duto.
141:14 Isa 47:6; Jer 15:12; 32:5Richona osetwe e ngʼuta ka jok;
adier osetweyogi gi lwete owuon.
Oseketgi e ngʼuta
kendo Ruoth Nyasaye osetieko tekra,
bende osejwangʼa
e lwet joma ok anyal loyo.
151:15 Jer 37:10; Isa 41:2; 28:1; Jer 18:21; Fwe 14:19; Jer 14:17; Bura 6:11; Isa 63:3“Ruoth Nyasaye
osekwedo jolweny maga duto;
osechoko jolweny
mondo omonja,
kendo otiek yawuota ma jolweny.
Ruoth Nyasaye osekumo nyar Juda mapok ongʼeyo chwo
e kare mar biyo olemb mzabibu.
161:16 Zab 119:136; Ayu 7:3; Jer 16:7; 13:17; 14:17; Isa 22:4; Ywa 3:48-49“Ma emomiyo aywak
kendo pi wangʼa mol e lemba.
Onge ngʼat machiegni koda ma dihoya,
bende onge ngʼat ma dikwe chunya.
Nyithinda odongʼ kiye
nikech wasigu oselocho.”
171:17 Jer 4:31; Wuo 23:21; Lawi 18:25-28Sayun tingʼo bedene malo kaywak,
to onge ngʼama nyalo hoye.
Jehova Nyasaye oseketo chik ni Jakobo,
ni jogo modak bute,
mondo obed wasike;
Jerusalem osebedo gima ochido
e diergi.
181:18 1Sam 12:14; Rap 28:32; Neh 9:33; Ezr 9:15; Wuo 9:27; Dan 9:7Jehova Nyasaye en Nyasaye makare,
to kata kamano ne angʼanyo ne chikene.
Winjuru, un ji duto;
kendo neeuru kaka achandora.
Yawuota gi nyiga osemaki
moter e twech.
191:19 Ywa 2:20; Jer 14:15; 22:20Ne aluongo osiepena,
to ne gindhoga.
Jodolo maga gi jodonga
notho e dala maduongʼ,
kane gimanyo chiemo
mondo gibed mangima.
201:20 Jer 4:19; Rap 32:25; Eze 7:15; Ayu 20:2; Ywa 2:11; Isa 16:11; Hos 11:8Yaye Jehova Nyasaye, nee kaka anie chandruok malich!
Iya nyawni,
kendo chunya chandore malich,
nikech ok aseluoro chikeni.
Lweny nego ji oko mar dala
to ei dala bende tho nekoe.
211:21 Zab 38:8; Ywa 2:15; Jer 30:16; Isa 47:11; Zab 6:6Ji osewinjo ywakna,
to onge ngʼama dewa.
Wasika duto osewinjo chandruokna;
kendo gimor kuom gik ma isetimona.
Mad ikel odiechiengʼ mane iselando
mondo omi gichal koda.
221:22 Neh 4:5; Zab 6:6We mondo timbegi mamono ochop e nyimi;
kendo timnegi,
mana kaka isetimona
kuom richona duto.
An gi pek mangʼeny
kendo chunya onyosore.
