Jerusalem opodho
152:1 2Ruo 24:17-18; Jos 10:29; Kwa 33:20; 2Ruo 8:22Zedekia ne ja-higni piero ariyo gachiel kane obedo ruoth, kendo nobedo e loch kodak Jerusalem kuom higni apar gachiel. Min mare ne nyinge Hamutal nyar Jeremia ma aa Libna. 252:2 Jer 36:30Ne otimo richo e nyim Jehova Nyasaye, mana kaka Jehoyakim notimo. 352:3 Eze 17:12-16; Wuo 33:15; Chak 4:14Magi duto notimore ne Jerusalem kod Juda nikech mirimb Jehova Nyasaye, kendo giko to ne oriembogi oko e nyime.
Koro Zedekia nongʼanyone ruodh Babulon.
452:4 Zek 8:19; 2Ruo 25:1-7; Jer 34:1; Eze 24:1-2; Rap 28:52-57Omiyo e higa mar ochiko mar loch Zedekia, e odiechiengʼ mar apar mar dwe mar apar, Nebukadneza ruodh Babulon nodhi gi jolweny mage duto momonjo Jerusalem. Negilworo dala maduongʼno kendo ne gigoyone agengʼa koni gi koni. 5Dala maduongʼno ne ogone agengʼa nyaka higa mar apar gachiel mar Ruoth Zedekia.
652:6 Lawi 26:26; Ywa 1:11; Eze 4:16E odiechiengʼ mar ochiko e dwe mar angʼwen kech mane ni e dala maduongʼno nomedore makoro ne onge chiemo mane ji nyalo chamo. 752:7 Ywa 4:19Bangʼ mano ohinga mar dala maduongʼno nomuki, kendo jolweny duto noringo ka tony gotieno ka gikalo e rangach man e kind ohinga ariyo man but puoth ruoth, kata obedo ni jo-Babulon nolworo dala maduongʼno kamano. Negiringo ka gichomo Araba, 8to jolwenj Babulon nolawo Ruoth Zedekia kendo ojuke e pewe mag Jeriko. Jolweny mage duto noringo oweye moke, 952:9 Jer 21:7; 32:4; Kwa 34:11; 13:21kendo negimake.
Ne gitere Ribla ir ruodh Babulon e piny Hamath, kama nongʼadone bura. 1052:10 Jer 22:30; 39:6-7E Ribla ruodh Babulon nonego yawuot Zedekia koneno; bende nonego jotelo duto mag Juda. 1152:11 Eze 12:13; 17:16; Jer 34:4Eka nogolo wenge Zedekia oko, notweye gi rateke mag mula kendo notere Babulon, kama ne okete e od twech nyaka chiengʼ mano thoe.
1252:12 Zek 8:19; Jer 39:9; Zek 7:5E odiechiengʼ mar apar mar dwe mar abich, e higa mar apar gochiko mar loch Nebukadneza ruodh Babulon, Nebuzaradan jatend jolweny marito ruoth, ma en achiel kuom jodong ruodh Babulon, nobiro Jerusalem. 1352:13 2We 36:19; Rap 29:24; Mik 3:12; Zab 74:8; Jer 19:13; Rap 13:16; Ywa 2:6Nowangʼo hekalu mar Jehova Nyasaye, kar dak ruoth kod udi duto man Jerusalem. Bende nowangʼo udi duto moger mabeyo. 14Jolweny duto mag Babulon mane ichiko gi jatend jolweny marito ruoth ne omuko ohinga duto moluoro Jerusalem. 1552:15 2Ruo 24:1; Jer 38:19; 1:3Nebuzaradan jatend jolweny notero e twech jomoko kuom joma odhier kod jogo mane odongʼ e dala maduongʼno, kaachiel gi jogo molony e tij lwedo kod joma noringo modhi ir ruodh Babulon mondo otony. 16To Nebuzaradan noweyo jopinyno moko mane odhier ahinya mondo oti e puothe mag mzabibu kod puothe mamoko.
1752:17 1Ruo 7:15,27-37; Jer 27:19-22Jo-Babulon nomuko sirni mag mula, rachungi mag taya kod Karaya Maduongʼ mar mula mane ni e hekalu mar Jehova Nyasaye kendo ne gitero mulago duto nyaka Babulon. 1852:18 Wuo 27:3; 1Ruo 7:45; Kwa 4:14Bende negikawo agulni, opawo, gir ngʼado otambi mar taya, tewni mikwoyogo remo, bakunde kod gik moko duto molos gi mula mane itiyogo e hekalu. 1952:19 Lawi 10:1; 1Ruo 7:50; Kwa 3:31; Wuo 25:29; Kwa 4:7; Dan 5:2; Ezr 1:7Jatend jolweny marito ruoth nokawo besen, gima iwangʼoe ubani, tewni mag kwoyo remo, agulni, rachung taya, dise kod bakunde mitiyogo e misango miolo piny, ma gin gik moko duto molos gi dhahabu maler kata fedha.
2052:20 1Ruo 7:25,47Mula mane ogolo e sirni ariyo, gi Karaya Maduongʼ kod rwedhi apar gariyo mag mula e bwoye kod rachungi minyalo tingʼ mane Ruoth Solomon olosone hekalu mar Jehova Nyasaye, ne pek ma ok nyal pim. 21Siro ka siro borne ne romo fut piero ariyo gochiko kendo alwora mare ne romo fut apar gochiko; sirnigo norokore kendo moro ka moro kore ne romo gi lith lwedo angʼwen. 2252:22 1Ruo 7:15-16,20,47; Wuo 28:33Gima chalo agulu mar mula mane ni e ewi achiel kuom sirni borne kadhi malo ne romo fut aboro kendo nokede gi gik mongʼinore ongʼinore molwore koni gi koni. Siro machielo man-gi gik mongʼinore ongʼinore, ne chal kod mokwongo. 23Ne nitiere gik mongʼinore ongʼinore piero ochiko gauchiel e bethe sirni, kwan gik mongʼinore ongʼinore duto ne gin mia achiel mane olworo gima otwangʼ mongʼith.
2452:24 2Ruo 25:18; Jer 37:3; 21:1; 2Ruo 12:9Jatend jolweny marito ruoth nomako Seraya jadolo maduongʼ, gi Zefania jadolo maluwe kod ji adek ma jorit dhoot hekalu moterogi e twech. 2552:25 Jer 36:10To kuom joma ne odongʼ e dala maduongʼno, nomako jatelo mane ochungʼ ne jolweny, kod ji abiriyo ma jongʼad rieko ne ruoth. Bende nomako jagoro mane tichne en ndiko nying joma onego bed jolweny kod jodonge piero auchiel mane oyudi e dala maduongʼno. 26Nebuzaradan jatend lweny nomakogi duto mokelogi Ribla ir ruodh Babulon. 2752:27 Jer 20:4; Lawi 26:33; Kwa 34:11Ruoth nogolo chik mondo neg-gi Ribla kanyo, e piny jo-Hamath.
Omiyo Juda noter e twech mabor gi pinye owuon.
2852:28 2Ruo 24:14-16; Neh 1:2; 2We 36:20; Rap 28:36Ma e kwan mar joma Nebukadneza notero e twech:
e higa mar abiriyo,
mane gin jo-Yahudi alufu adek gi piero adek;
29e hik Nebukadneza mar apar gaboro,
ji mia aboro gi piero adek gariyo moa Jerusalem;
3052:30 Jer 43:3; 13:19e hike mar piero ariyo gadek,
jo-Yahudi mia abiriyo gi piero angʼwen gabich mane oter e twech gi Nebuzaradan jatend lweny.
Giduto ne gin ji alufu angʼwen mia auchiel.
Owe Jehoyakin thuolo
3152:31 2Ruo 25:27-30; Chak 40:13-20E higa mar piero adek gabiriyo mar twech Jehoyakin ruodh Juda, e higa mane Evil-Merodak obedo ruodh Babulon, nogonyo Jehoyakin ruodh Juda kendo oweye thuolo koa e od twech e odiechiengʼ mar piero ariyo gabich mar dwe mar apar gariyo. 32Nowuoyo kode modembore kendo nomiye kom duongʼ moloyo ruodhi mamoko mane ni kode e twech Babulon. 3352:33 2Sam 9:7,13Omiyo Jehoyakin nolonyo lepe mag twech kendo e ndalo ngimane duto ne ochiemo pile pile e mesa ruoth. 3452:34 2Sam 9:10Odiechiengʼ ka odiechiengʼ ruodh Babulon ne miyo Jehoyakin pok mowinjore kode ndalo duto mag ngimane, nyaka odiechiengʼno mar thone.
