11:1 Jos 21:18; Jer 32:7-9Weche Jeremia wuod Hilkia, achiel kuom jodolo man Anathoth e piny Benjamin. 2Wach Jehova Nyasaye nobirone e higa mar apar gadek e loch Josia wuod Amon ruodh Juda, 31:3 2Ruo 24:17; Jer 29:2; 52:15; Ezr 5:12; 2Ruo 23:34kendo kokalo e loch Jehoyakim wuod Josia ruodh Juda, kodhi nyaka e dwe mar abich mar higa mar apar gachiel mar Zedekia wuod Josia ruodh Juda, sa mane joma odak Jerusalem dhi e twech.
Luong Jeremia
4Wach Jehova Nyasaye nobirona, kawacho niya,
51:5 Jer 25:15-26; Zab 139:13-16; Joh 10:36“Kane pok achweyi e ich ne angʼeyi,
kane pok onywoli ne asewali tenge;
ne ayieri kaka janabi ne pinje.”
61:6 Wuo 3:11; 4:10; 6:12; 1Ruo 3:7Ne awacho niya, “Yaye, Jehova Nyasaye Manyalo Gik Moko Duto, ok angʼeyo wuoyo; an mana rawera matin.”
7To Jehova Nyasaye nowachona niya, “Kik iwach ni, ‘An mana nyathi.’ Nyaka idhi ir ji duto maori irgi kendo iwach gimoro amora ma achiki. 81:8 Chak 8:1; Wuo 3:12; Eze 2:6; Jer 15:20; Kwa 22:20; Chak 26:3; Jer 26:24Kik iluorgi, nimar an kodi kendo abiro resoi,” Jehova Nyasaye owacho.
91:9 Isa 6:7; Wuo 4:12Eka Jehova Nyasaye norieyo bade kendo omulo dhoga mi owachona niya, “Koro, aseketo wechega e dhogi. 101:10 Jer 25:15; 18:7-10; 31:4,28; 12:17; 24:6Ne, kawuononi ayieri ewi ogendini kod pinjeruodhi mondo ipudhi kendo iyiechi, mondo ikethi kendo ilok loch, mondo iger kendo ipudhi.”
111:11 Jer 24:3; Amo 7:8-9Wach Jehova Nyasaye nobirona niya: “En angʼo mineno, Jeremia?” Anto ne adwoke ni,
“Aneno bad yath mar oyungu.”
121:12 Ayu 29:2; Jer 44:27Jehova Nyasaye nowachona niya, “Ineno kare, nimar arito mondo ane ni wachna ochopo kare.”
131:13 Zek 4:2; 5:2; Jer 24:3Wach Jehova Nyasaye nochako birona kendo kopenjo niya, “En angʼo mineno?”
Anto ne adwoke niya, “Aneno agulu mayienyo, kolokore oa yo nyandwat.”
141:14 Isa 14:31Jehova Nyasaye nowachona, “Koa yo nyandwat masira ibiro ol kuom jogo duto modak e piny. 151:15 Jer 9:11; 10:22; 39:3; 4:16Achiegni luongo ji duto mag pinje ma yo nyandwat,” Jehova Nyasaye wacho.
Ruodhigi biro biro kendo giniket kom duongʼ-gi
e kar donjo mar dhorangeye Jerusalem;
gibiro monjo ohingini duto molwore
kendo monjo mier madongo duto mag Juda.
161:16 Chak 6:5; Jer 4:12; Rap 28:20; Jer 17:13; Wuo 20:3; Jer 44:3-4; 19:4; Kwa 25:3Abiro ngʼadone joga bura
nikech timbegi mamono mar jwangʼa,
kuom wangʼo ubani ne nyiseche mamoko
kendo lamo gima lwetgi oseloso.
171:17 Rap 31:6; 1Ruo 18:46; Eze 2:6; Jer 7:27; 42:4“Bed moikore! Chungʼ malo kendo wachnegi gimoro amora machiki. Kik iwe gibwogi, ka ok kamano to abiro bwogi e nyimgi. 181:18 Isa 50:7Kawuono aseketi dala maduongʼ mochiel motegno, kendo gi siro mar chuma kod ohinga mar mula mondo ogengʼne piny ngima, ma gin ruodhi mag Juda, jotende, jodolo mage kod ji duto mag pinyno. 191:19 Chak 26:3; Isa 43:2; Nge 20:22; Kwa 14:9; Joo 26:17; Zab 129:2Gibiro kedo kodi to ok gini loyi, nimar an kodi kendo abiro resi,” Jehova Nyasaye owacho.
